ATTO UNICO Prefazione Personaggi Glossario Ringraziamenti Autore
FAME E PIDUCCHJ di Tonino Canonico

Quadro precedente     TERZO QUADRO    Quadro seguente

Entra in scena la vicina impicciona

Voce da fuori " C'è permèssu? "
Concetta "Sciùaddru, è Pizzicatèddra! Pròprju sa sapurìta ci mancava! (rivolta a tutti) M'arricummànnu, nun vi facìti scappà nènti, ca chìssa v'ha bìstu vinì e mò vèna a spruvà ancuna cosa! (rivolta verso l'esterno) Avanti, avanti!"
Virgilia (alla madre) "Ohi mà, picchì a chiamanu Pizzicatèddra?"
Fiorina (a Virgilia) "Picchì, 'cc' a scusa 'i circà na pizzicatèddr' i sali, va 'mpizzànnu u nasu i casi casi! Ci'u vùanu mìnt' a'r'i còntrji, u sali!"
Pizzicatèddra (entrando con una tazza in mano) "Bonasìra, cùmma Cuncè! M'àna scusà, ca m'haj'accòrta c'avìja finìt' u sali pròprju quànnu stava priparànnu chìra santa grazia ed' hàju dìttu: Mò, 'ccù 'st'ùr'i nòtti, addùvi pùazzu jì? Vàju distùrbu a cùmma Cuncetta! (fingendo d'accorgersi solo ora della presenza di ospiti) Ah, ma vussurìja tìani òspiti, allùra hàju disturbàtu veramènti ..."
Concetta (prendendole la tazza di mano) "Ma nò, quali distùrbu! E 'ppù cùmma Fiurina è binùta pròprju, si su truvàt' a passà... Senza nu motìvu particulàri...!"
Pizzicatèddra (rivolta a Fiorina) "Cèrtu però c'a 'jjì girànnu 'i nòtti, 'ccù 'ssù scùru, s'un c'è nu motìvu particulàri..."
Fiorina "Figùrati, ca mò mi spàgn' i na pìcca scùru! E 'ppù c'è marìtuma e 'ssù cavalìer' i fìgliu! 'Chì paùra avèradd'avì?"
Pizzicatèddra "Cèrtu, cèrtu, quànnu si sbìja tùtt' a famiglia, 'cchì paùra c'è! Ma 'ccù 'st' ùr' i notti, sàcciu si dìcu! Si ghèra ìju, sènza nu mutìvu particulàri, nun mi sbìjava, màncu si mi pagàvanu!"
Concetta "E vabbè, vìstu ca sì curijùsa, nu motìvu c'è 'ppà vìsita 'i cùmma Fiurìna!"
Pizzicatèddra "Sì, davèru? Eh, ... nò 'ppì 'mm'impiccià d'i fàtti c'un sù 'ddi mìja, ma ... fùssa succèss'ancùna cosa?"
Concetta (dopo aver scambiato uno sguardo d'intesa con Fiorina) "Nòni, cummà, c'un n'è succèssu nènti. Sùlu ca fòrsi àma cumbinà nu negòziu."
Pizzicatèddra "Davèru? Chì m'ha dìttu!!! Ma ... 'un n'è ca cèrti vòti ... ci cintràssanu chìri dùa bèlli guagliùni 'ccù 'ssu negòziu c'àta garmà?"
Fiorina "Ma quali guagliùni! Beh, si pròprju u vù sapì u negòziu ghè c'a'nnùa ni sèrva n'àtru pùarcu, ca ùnu 'pp' a famìglia nòsh-tra nun n'abbàsta. Eh ..., sà cùm'è! Quànnu l'ùamminu sbìja tùtti i santi jùarni, u stìjavuccu s'àdda putì ghìnchji! E na matìna nu scarafùagliu, n'àtra matìna na frittulìddra; òji nu stùaccu i sazìzza, dumàni na fèddra i suprissàta e nu pùarcu sùlu nun n'abbàsta 'cchjù ..... 'un n'è bèru, Vittò?"
Vittorio "Cùmi? Suprissàta, sazìzzi? Prìma parràti 'i vajani e mi dicìti ca m'àja accuntintà e mò tòrna 'cch'ì sazìzzi! Vi vulìti decìdi?"
Pizzicatèddra (sospettando qualcosa) "Quàli vajàna? (chiede in giro, fermando lo sguardo su Francesco) Cùmpa Francì, i quali vajàna pàrranu?"
Francesco (prontamente) "D'i pipàzz'arraganàti, ohi cummà! E 'cc'avìjasi capìtu? Stavìamu dicìannu ca nun si pùanu mangià sèmpi sazìzzi e carn'i pùarcu: ogni tàntu ci vò na vajanèddra i pipàzzi pì stà liggìeri e diggirìsci miègliu!"
Pizzicatèddra "Seriamènti dìci ch'i vajàni di pipàzzi fànu diggirìsci?"
Francesco "E 'ccèrtu! Tùtti l'ortalizij sù bùani p'a digistìoni!"
Pizzicatèddra (guardando verso il pubblico) "Mah, ìju veramènti pinzàva ch'i vajàni facìjanu gonfià a pànza!"
Francesco "Ma nò, cummà! A pànza si gonfia quànn'u cristìjanu si vìva assàji acqua! Ca anzi, s'un si stà accùartu, da tròppa acqua, 'nt' a pànza ci fan'i ranùnchji d'u 'ntùttu!"
Pizzicatèddra "Eppùri, vi dicu ca signu sicura ... (con enfasi, che induce al doppio senso) : A vajàna, quànn'è d'u suvìerchju, gonfia la pànza!"
Concetta "E chìssa i 'ddùvi ti vèna mò?!"
Pizzicatèddra "Eh ..., i 'ddùvi mi vèna! C'un n'àti vìsta a cùmma Gaculìna i 'cùaddru 'ncùttu' c'a tèna sèmpi gonfia, i n' ànn' a n' àtru! E chìra, i vajàni d' i pipàzzi, i fà jjì a d'un' a d'ùna!"
Pasquale (allegramente) "Ohi cummà, ma sì sicura c'a cùrpa ghè tutta d'i pipàzzi? A 'mmìja mi pàra ca cumpa Lubèrtu ' u bastùni '..."(fa un gesto come a dire: "Gli dà e gli dà!")
Concetta (al marito, interrompendolo bruscamente) "Pùru tu ti 'cci mìnti mò, a 'ntruvulà l'acqua! Picchì a jut'annumminà a Lubèrtu ' u bastùni ' mò?"
Pizzicatèddra "Tèh, davèru! Tèna raggiùni cùmpa Pascàli, ca 'ppì cùmma Gaculìna, 'ccù chìra caravàn' i figli ca tèna, u 'cchjù 'ddi vòti a cùrpa ghèra di n'àtru tìp' i va ..."
Concetta (la interrompe bruscamente, rimproverandola) "Ohi cummà! 'Cchì razz'i discùrsi c'àti garmàtu! Cì sù crijatùri.... (guarda verso Virgilia) Bèh, ca ti pìgliu su sali, ca 'ccà mi pàra ca stàti 'mbrugliànnu tròpp' a matàssa e stàti pigliànnu pipàzzi 'ppì sazìzzi!" (si dirige alla credenza)
Pizzicatèddra (rendendosi conto d'aver esagerato) "Ah, sìni sì, ti ringràziu, cummà!"
Pasquale (a Pizzicatèddra) "Beh, cummà, intàntu, sì vù cummannà a favurìsci, vìvati su bicchìer' i vìnu, ca cù cumpa Vittòriu ti tinìmu cumpagnìa. Cumpa Vittò, t'u fà n'àtru?"
Vittorio "E cùmi, nò!" (si avvicina prontamente)

(Pasquale mesce il vino e con Vittorio e Pizzicateddra brindano e bevono)
Virgilia (alla madre) "Mà, ohi mà, picchì a cumpa Lubèrtu u chiamanu ' u bastùni '?"
Fiorina "Fàtt' i fàtti tùa tù, c'un su cos' i quatrarèddre!"
Virgilia "Uffa, cùmi sìti vùa grànni! Stàti parrànn' i sazìzzi, vajàni i pipàzzi, ranùnchji e nu bastùni! Chì c'è di sh-trànu?! Bèh, 'un m'àja fà grànna pùru ìju! Pù vidìmu chì sù tùtti si mistèri!!"
Concetta (dando la tazzina a Pizzicatèddra) "Tìani, cummà!"
Pizzicatèddra "Grazie, cùmma Cuncè! Beh, mò mì 'nni vàju, c'àja jì a cunzà chìra santa grazia, sinnò mi rimàna tùtta dissàpita! Mìlli ringraziamènti e scusàti i chjàcchjari! Bonanòtt' a tùtti!"
Concetta "Bonanòtti, cummà, bonanòtti!"
Tutti "Bonanòtti!"
Concetta (dopo qualche secondo) "Oh, finalmènti sì 'nn'è jùta! 'Mpìngia pèju d'a mammàna, 'un t'a càcci chjù d'i 'ncùaddru! (rivolta al marito, rimproverandolo) E tu n'àtru, pù! Si pò sapì cùmi t'è binùtu 'ncàp' i caccià fòra chìru discùrsu? 'Un 'u sa ca chìra è fùrba pèju d'a vùrpa! E' fina cùm'a sita garaganzìna, li vèna sùbbitu u fìat' u mìcciu!"
Pasquale "Tìani raggiùni, mugliè! Nun ci'hàju pinzàtu pròprju! Ma u sà cùm' è! A cùrpa è di 'ssu vìnu, ca ghè tròppu 'bbùanu! Cùmi dìcia 'r'a canzùni :
L'acqua mi fà mali
e 'r' u vìnu
mi fà cantàri !!!
A propòsito, n'àtru bicchìeri a tùtti quànti, ca stasìra è fèsta! (riempie di nuovo i bicchieri) A'r'a salùti !"(bevono)
Quadro precedente Quadro precedente Quadro seguente Quadro seguente